ტოლერანტობის და მრავალფეროვნების ინსტიტუტის კონკურსი სტუდენტებისთვის

[/center]კონკურსის ფარგლებში სტუდენტებმა უნდა მოამზადონ ტექსტური (ბლოგი, სტატია) და/ან მულტიმედიური ნამუშევრები (ფოტოპორტრეტი ან ფოტოამბავი, ვიდეორგოლი) საკუთარ რეგიონში ტოლერანტობისა და მრავალფეროვნების კუთხით არსებულ პრობლემებსა და საკითხებზე. ნამუშევარი ქვემოთ ჩამოთვლილი კატეგორიებიდან ერთ-ერთ თემას უნდა ეხებოდეს:

► რელიგიური/ეთნიკური/რასობრივი უმცირესობების წინაშე არსებული პრობლემები (რომელიმე ზემოთ ჩამოთვლილი ნიშნის საფუძველზე დისკრიმინაცია, რელიგიის თავისუფლების შეზღუდვა, სოციალურ, კულტურულ და პოლიტიკურ სივრცეში ინტეგრაციის დაბალი მაჩვენებელი, გაუცხოება) და ურთიერთობა უმრავლესობის წარმომადგენლებთან;

► კულტურული, რელიგიური და/ან ეთნიკური მრავალფეროვნების ასახვა და პოზიტიური გააზრება;

► ინტერრელიგიური, ინტერეთნიკური და ინტერკულტურული ურთიერთობის ფორმები და პოზიტიური მაგალითები კონკრეტულ რეგიონში.

კონკურსის შედეგად, გამოვლინდება ექვსი გამარჯვებული. ავტორები დაჯილდოვდებიან სერტიფიკატებითა და სპეციალური პრიზებით (პლანშეტი, წიგნის მაღაზიის ვაუჩერი). საუკეთესო ნამუშევრები ასევე გამოქვეყნდება TDI-ს ვებგვერდზე.

დაინტერესებულმა პირებმა ნამუშევრები უნდა გაგზავნონ ელ.ფოსტაზე: info@tdi.ge, 2017 წლის 30 აპრილამდე.

თითო მონაწილისგან მიიღება მაქსიმუმ 3 ნამუშევარი (რომელიმე ზემოთ ჩამოთვლილი ფორმით: ტექსტი, ფოტოპორტრეტი ან ფოტოამბავი, ვიდეორგოლი).

კონკურსი ტარდება ფონდ "ღია საზოგადოება-საქართველოს" მხარდაჭერით, პროექტის, "დისკრიმინაციის საკითხების კვლევა და ტოლერანტობის კულტურის ხელშეწყობა უნივერსიტეტებში" ფარგლებში.

[sknews.ge]