ახალციხის რაიონულ სასამართლოსთან საპროტესტო აქცია დაიწყო

რეგიონის მცხოვრებლებთან ერთად, აქციაზე იმყოფებიან საინიციატივო ჯგუფის წევრები: გოგა ხაინდრავა, ირმა ინაშვილი, ლევან გოგიჩაიშვილი და მელორ ვაჩნაძე. აქციას „სახალახო კრების“ წევრებიც შეუერთდნენ. ამ წუთებში აქციის მონაწილეებს გია ბურჯანაძე მიმართავს.

„ხვედლიანის გამოშვება არ არის სამართლანი გადაწყვეტილება. საქმის გამოძიება ხელახლა უნდა დაიწყოს“, - აცხადებენ აქციის მონაწილეები.
ირმა ინაშვილის თქმით, საპროტესტო აქციები მომავალშიც გაგრძელდება.

„ჩვენ იმედი გვაქვს, რომ ეს მოძრაობა შედეგს გამოიღებს“, - აცხადებს ირმა ინაშვილი.



შეგახსენებთ, ახალციხის რაიონულმა სასამართლომ, ბორჯომის პოლიციის ყოფილი უფროსი, "ერთიანი ნაციონალური მოძრაობის" მაჟორიტარი კანდიდატი, მამუკა ხვედელიანი და მისი ოთხი თანამშრომელი, რომელთაც არაადამიანურ მოპყრობაში ედებოდათ ბრალი, 3 ივლისს უდანაშაულოდ სცნო და სასამართლო დარბაზიდან გაათავისუფლა. მომხდარს საპროტესტო აქციების ტალღა მოჰყვა.

4 ივლისს აქცია ბორჯომში გაიმართა, აქციის მონაწილეებმა ბორჯომში ცენტრალური მაგისტრალი გადაკეტეს. 5 ივლისს აქცია ახალციხეში გაიმართა. მონაწილეებმა სასამართლოს ცოცხები, კვერცხები და პომიდვრები დაუშინეს. სასამართლოს შესასვლელი კარი კი ცოცხით ამოქოლეს. დღეს, 6 ივლისს, კი აქცია ბორჯომში მიმდინარეობს. აქციას გოგა ხაინდრავა და ირმა ინაშვილი შეუერთდნენ. ბორჯომში 6 ივლისს გამართულ საპროტესტო აქციაზე დაანონსეს 11 ივლისის აქციაც.

[sknews.ge]