აქციის მონაწილე - ჯიბის მოსამართლეები უნდა გაასამართლონ

მაღრაძის თქმით, სასამართლო წლების განმავლობაში იყო სააკაშვილისა და ბოროტი დაჯგუფებების ნოტარიუსი.

„ჯეირანაშვილი პირველად არ იღებს უსამართლო გადაწყვეტილებას. მისი აბსოლიტურად უსამართლო გადაწყვეტილებით, ჩემი ოჯახი დარჩა უსახლკაროდ, მოხუცებული მშობლები და მცირეწლოვანი შვილები ღია ცის ქვეს დამრჩნენ“, - ამბობს მაღრაძე.

მაღრაძე აცხადებს, რომ არ გაჩერდება: „არ დავიშლებით, გავაგრძელბეთ აქციებს და შიმშილობას, რადგან ჯიბის მოსამართლეები აღარ უნდა არსებობდნენ ქვეყანაში. ჯიბის მოსამართლეები უნდა გასამართლდნენ და არა სამსახურიდან გათავისუფლდნენ“.

შეგახსენებთ, ბორჯომსა და ახალციხეში საპროტესტო აქციები არაადამიანურ მოპყრობაში ბრალდებული 5 პირის გათავისუფლების გამო დაიწყო. 4 ივლისს აქცია ბორჯომში გაიმართა, აქციის მონაწილეებმა ბორჯომში ცენტრალური მაგისტრალი გადაკეტეს. 5 ივლისს აქცია ახალციხეში გაიმართა. მონაწილეებმა სასამართლოს ცოცხები, კვერცხები და პომიდვრები დაუშინეს. სასამართლოს შესასვლელი კარი კი ცოცხით ამოქოლეს. დღეს, 6 ივლისს, კი აქცია ბორჯომში მიმდინარეობს. აქციას გოგა ხაინდრავა და ირმა ინაშვილი შეუერთდნენ.

[sknews.ge]