სამარცხვინო გარიგება "ოცნებასა" და "ნაცებს" შორის

ახალციხის რაიონული სასამართლოს მოსამართლის გოჩა ჯეირანაშვილის მიერ 3 ივლისს გამოტანილ განაჩენს ბაღათურია ფეისბუქის გვერდზე ეხმიანება.

"სამარცხვინო გარიგება ოცნებასა და ნაცებს შორის, თუ სამარცხვინო უსუსურობა პარლამენტის...

ახალციხის სასამართლომ დარბაზიდან გაათავისუფლა ბორჯომის პოლიციის უფროსი და კიდევ ორი პოლიციელი რომლებიც დაკავებული იყვნენ ადამიანთა წამების გამო. ერთ ერთი მათი ნამოქმედარი არის პატიმრის გაუპატიურება სკამის ფეხით ...

ეს არის შედეგი "ქართული ოცნების" საპარლამენტო ფრთის უპრინციპობისა და პარლამენტში ზარზეიმით მიღებული "სასამართლო რეფორმის", რომლის მიხედვით, მართლმსაჯულება იგივე ხალხის ხელში დარჩა, ვინც 9 წლის განმავლობაში ქმნიდა უკანონობას და ხელს უწყობდა სისატიკეს. ...

ეს არის შედეგი სამარცხვინო გარიგების "ქართულ ოცნებას" და "ნაცმოძრაობას" შორის ... თუ ვინმეს უნდა, იფიქროს, რომ ეს სამარცხვინო უსუსურობის შედეგია", - წერს ბაღათურია.

შეგახსენებთ, ახალციხის რაიონულმა სასამართლომ, ბორჯომის პოლიციის ყოფილი უფროსი, "ერთიანი ნაციონალური მოძრაობის" მაჟორიტარი კანდიდატი, მამუკა ხვედელიანი და მისი ოთხი თანამშრომელი, რომელთაც არაადამიანურ მოპყრობაში ედებოდათ ბრალი, 3 ივლისს უდანაშაულოდ სცნო და სასამართლო დარბაზიდან გაათავისუფლა. მომხდარს საპროტესტო აქციების ტალღა მოჰყვა.

4 ივლისს აქცია ბორჯომში გაიმართა, აქციის მონაწილეებმა ბორჯომში ცენტრალური მაგისტრალი გადაკეტეს. 5 ივლისს აქცია ახალციხეში გაიმართა. მონაწილეებმა სასამართლოს ცოცხები, კვერცხები და პომიდვრები დაუშინეს. სასამართლოს შესასვლელი კარი კი ცოცხით ამოქოლეს. დღეს, 6 ივლისს, კი აქცია ბორჯომში მიმდინარეობს. აქციას გოგა ხაინდრავა და ირმა ინაშვილი შეუერთდნენ. მომდევნო აქცია 11 ივლისს, ახალციხის რაიონულ სასამართლოსთან დაიგეგმა.



[sknews.ge]