ირმა ინაშვილი ბორჯომელებს აქტიურობისკენ მოუწოდებს

დღეს ბორჯომში ადგილობრივებს თბილისიდან ჩამოსული სხვადასხვა უფლებადამცველი ორგანიზაციის წარმომადგენლებიც შეუერთდნენ.

„ბორჯომელი ვარ და ვიცი აქ წლების განმავლობაში რაც ხდებოდა. ყველამ იცის, რომ ხვედელიანი არის მოძალადე. კარგია რომ ბორჯომელებმაც იაქტიურონ, მათ უნდა დააფიქსირონ თავიანთი პოზიცია, ახლაც ხომ აღარ არის საშიში?! რიჟიმი ხომ შეიცვალა?!“, - ამბობს ჟურნალისტი ირმა ინაშვილი.

მისი თქმით, აქციები გაიმართება ახალციხეში და თბილისშიც: „ვფიქრობ, ამ აქციებით შედეგს მივაღწევთ, რადგან ბევრი უფლებადამცველი ორგანიზაცია გვიერთდება. ჩვენ შევხვდებთ ყველა ელჩს საქართველოში და სახალხო დამცველსაც“.

ინაშვილი აცხდებს, რომ მასშტაბური აქცია თბილისში უზენაეს სასამართლოსთან გაიმართება.

შეგახსენებთ, ბორჯომსა და ახალციხეში საპროტესტო აქციები არაადამიანურ მოპყრობაში ბრალდებული 5 პირის გათავისუფლების გამო დაიწყო. 4 ივლისს აქცია ბორჯომში გაიმართა, აქციის მონაწილეებმა ბორჯომში ცენტრალური მაგისტრალი გადაკეტეს. 5 ივლისს აქცია ახალციხეში გაიმართა. მონაწილეებმა სასამართლოს ცოცხები, კვერცხები და პომიდვრები დაუშინეს. სასამართლოს შესასვლელი კარი კი ცოცხით ამოქოლეს.

[sknews.ge]