ვალელები სასმელი წყლის ყოველდღიურად მიწოდებას ითხოვენ

“40 წუთი ძალიან ცოტაა, მით უფრო ზაფხულში, როცა წყალი ყველაზე მეტად გჭირდება“, - აცხადებს ვალის რწმუნებული ზურაბ ნასყიდაშვილი.
ადგილობრივ ხელისუფლებაში აცხადებენ, რომ პრობლემით დაინტერესდებიან.

„დღესვე შევხვდებით „საქართველოს გაერთიანებული წყალმომარაგების კომპანიის“ სამცხე-ჯავახეთის ფილიალის უფროსს. გავეცნობით პრობლემას და თუ შესაძლებელი იქნება, ვალის მოსახლეობას წყალი ყოველდღე მიეწოდება“,-ამბობს ახალციხის მუნიციპალიტეტის გამგებელი ბესიკ ბლიაძე.

მისივე თქმით, ვალელებს წყალი ელექტროსაქაჩების მეშვეობით მიეწოდებათ, რაც ძვირი ჯდება და პრობლემებიც ამიტომ აქვთ.

შეგახსენებთ, ეს პირველი შემთხვევა არ არის, როცა ვალეში სასმელი წყლის მიწოდება პრობლემაა. ივლისის დასაწყისში ვალეში წყალი ერთი კვირის განმავლობაში არ ჰქონდათ, რის გამოც ვალელებმა პროტესტის ნიშნად ცენტრალური გზა გადაკეტეს. ამის შემდეგ მათ წყალი ჯერ ავზებით დაურიგეს, შემდეგ კი დაზიანება შეაკეთეს.

[მანანა სარაშვილი, ახალციხე]