ვალეში 100-მდე ოჯახს ერთი თვეა სასმელი წყალი არ აქვს

სასმელი წყლის გარეშეა დარჩენილი ქალაქ ვალესა და ეგრეთ წოდებულ მეორე შახტის დასახლებაში მცხოვრები დაახლოებით ასი ოჯახი.

„მკაცრი ზამთარი იყო, ყინვების გამო ბევრ უბანში სასმელი წყლის ცენტრალური მაგისტრალი გაიყინა და ამის გამო პრობლემები შეიქმნა. იმატა ავარიულმა სიტუაციებმაც“, - ამბობს ვალის ტერიტორიული ორგანოს რწმუნებული ელიოზ ბარბლიშვილი.

მისივე თქმით, გაერთიანებული წყალმომარაგების კომპანიის თანამშრომლები ამ პრობლემების აღმოსაფხვრელად ყოველ დღე მუშაობენ.

„უნდა დაველოდოთ სითბოებს, სხვა ჩვენ არაფერი შეგვიძლია. სახანძრო მანქანით ტექნიკური წყალი მიაწოდეს და თუ საჭირო იქნება, ისინი მზად არიან რომ კვლავ დაეხმარონ“, - ამბობს ელიოზ ბარბლიშვილი.

[თამარ თოთაძე, ახალციხე]