ასპინძაში სასმელი წყლის მიწოდება აღდგა

ასპინძაში ადგილობრივები ამბობენ, რომ წყალი კვლავ განრიგით მიეწოდებათ და შედარებით დაწმენდილია.

„საქართველოს გაერთიანებული წყალმომარაგების კომპანიის“ სამცხე–ჯავახეთის რეგიონულ ფილიალში ამბობენ, ოთისწყლების სათავენაგებობა, საიდანაც დაბას სასმელი წყალი მიეწოდება, მთიდან ჩამონადენი ნაშალისგან გაწმენდილია.

„მოსახლეობას სასმელი წყალი დილით და საღამოს, საერთო ჯამში 5 საათის განმავლობაში მიეწოდება“, – ამბობს „საქართველოს გაერთიანებული წყალმომარაგების კომპანიის“ სამცხე–ჯავახეთის რეგიონული ფილიალის მენეჯერი.

შეგახსენებთ, რომ დაბა ასპინძის მოსახლეობას წყლის მიწოდება, ოთისწყლების სათავენაგებობის დაბინძურების გამო 10 მაისს შეუწყდა, რის გამოც, ერთი კვირის განმავლობაში, წყალმომარაგების კომპანია ადგილობრივებს სასმელს წყალმზიდებით აწვდიდა.

[ლუბა გიორგაძე, ასპინძა]