ვალელები ისევ გზის გადაკეტვით იმუქრებიან

დღეს დილით, მოსალხეობის ნაწილმა გზა გადაკეტა, თუმცა ტრანსპორტს მოძრაობა შემოვლითი გზით მაინც შეეძლო.

„ბევრი არ გავიდა დღეს, თავი შევიკავეთ, მაგრამ თუ ასე გაგრძელდა ყველა გამოვალთ, ნაწილი თურქეთის მხირდან მომავალ მანქანებს არ გაატარებს და ნაწილი ახალციხიდან მომავალს“, - ამბობს ვალეში მცხოვრები ნაირა ნათენაძე.
მისი თქმით, ვალეს წყალი იმიტომ არ მიეწოდება, რომ აუზი ვერ ივსება: „წვიმას ელოდებიან, რომ წყალი მოვიდეს“.
ადგილობრივები წყალს მეზობელი სოფლებდან ეზიდებიან.

„ტაქსით მივდივართ და მოგვაქვს, ცალკე თაქსში ვხარჯავთ ფულს და ცალკე წყლის გადასახადის გადახდა მოგვიწევს თვის ბოლოს“, - გვითხრა ირა ლაზარაშვილმა.

ადგილობრივი სტეფანე ლაზარაშვილის განცხადებით, ვალეში წყლის გადასახადს ყოველთვის ყველა იხდის: „საუკეთესოდ ვასრულებთ გეგმას, მაგრამ წყალი მაინც ორ დღეში ერთხელ სამი საათითაც არ მოგვეწოდება. ახლა სულ შეგვიწყვიტეს. პოტრონი არავინ გვაყვს. ამიტომ გამოვალთ და გზას გადავკეტავთ“.

როგროც გუშინ საქართველოს გაერთიანებული წყალმომარაგების კომპანიის სამცხე-ჯავახეთის რეგიონული ფილიალის მენეჯერმა გიორგი ბაგინაშვილმა „სამხრეთის კარიბჭესთან“ განაცხადა ვალეში აღდგენითი სამუშაოები მიმდინარეობს და წყლის მიწოდება უმოკლეს ვადაში აღდგება.

„ვალის სადრენაჟო სისტემას წყალი შეზღუდული რაოდენობით მიეწოდება. გარკვეული სამუშაოები ჩატარდა, მაგრამ როგორც ჩანს კლიდევ დამატებითი სამუშაოებია ჩასატარებელი. ტექნიკური პრობლემაა, რომელიც გვარდება და შეიძლება დღესაც მივაწოდოთ წყალი“, - განმარტავს გიორგი ბაგინაშვილი



[თამუნა უჩიძე, ახალციხე]