ბორჯომის მოსახლეობას სასმელი წყალი არ მიეწოდება

"მუნიციპალიტეტის მერია ხიდის სარეაბილიტაციო სამუშაოებს აწარმოებს, რის გამოც ერთი დღით მოგვიწია დაკეტვა, რადგან წყლის მილი, ხიდის ქვეშ გადის", – ამბობს გაერთიანებული წყალმომარაგების კომპანიის სამცხე-ჯავახეთის ფილიალის მენეჯერი, ბესო ფილაური.

მისი თქმით, დღის ბოლოს, ბორჯომის მუნიციპალიტეტის მერია მილის გადატანის სამუშაოებს დაასრულებს, ამის შემდეგ კი წყალს გაუშვებენ:"20:00 საათიდან წყალს შევუშვებთ მილებში, სისტემა ეტაპობრივად შეივსება, ხვალ 12 ნოემბერს დილიდან სრულად აღდგება წყლის მიწოდება".

[sknews.ge]