სტუდენტური პარლამენტის წევრები ახალციხის მერს შეხვდნენ

სტუდენტური პარლამენტის წარმომადგენლები ახალციხის მერს, დღეს, 22 მარტს შეხვდნენ. შეხვედრას ასევე, ესწრებოდნენ საკრებულოს თავმჯდომარე, მერის მოადგილე და დეპუტატის ბიუროს წარმომადგენელი.

სტუდენტებმა მუნიციპალიტეტის პირველ პირებს პროექტი „განავითარე შენი რეგიონი“ გააცნეს. აღნიშნულ პროექტს სტუდენტები საქართველოს 63 მუნიციპალიტეტში ,,საქართველოს დამოუკიდებელ ბავშვთა და სტუდენტთა გაერთიანებასთან“ ერთად ახორციელებენ. პროექტის მიზანი, მთელი ქვეყნის მასშტაბით, ახალგაზრდა ლიდერების აღმოჩენა და მათ გააქტიურებაა. ახალციხის მერი ზაზა მელიქიძე ახალგაზრდებს მის განხორციელებაში დახმარებას დაჰპირდა.



[sknews.ge]