სასკოლო კლუბების ინიციატივა მათი სოფლებისთვის

ადგილობრივი ხელისუფლების პირველი პირებისა და სასკოლო კლუბების წევრებს შორის შეხვედრა 31 მარტს გაიმართა.
ახალგაზრდებმა ახალციხის მუნიციპალიტეტის ხელმძღვანელ პირებს მათ მიერ შემუშავებული პროექტები გააცნეს და მათ განხორციელებაში თანამონაწილეობა სთხოვეს.

პროქტები სოფელ კლდეში სკვერის მოწყობას და სოფელ მუსხის ახალგაზრდული ცენტრის ინვენტარით აღჭურვას გულისხმობს.

ახალციხის გამგებელი ზაზა მელიქიძე ახალგაზრდებს პროექტების განხორციელებაში დახმარებას დაპირდა. იმ შემთხვევაში თუ პროექტები გაიმარჯვებს ახალციხის მუნიციპალიტეტის გამგეობა კლდის სასკოლო კლუბის წევრებს სკვერისათვის სკამებს, ხოლო მუსხის ახალგაზრდული ცენტრისთვის დინამიკს, მიკროფონს, ფარდებსა და სკამებს შეუძენს.

ახალგაზრდებმა პროექტები არასამთავრობო ორგანიზაცია„world vision”-ის მცირე გრანტების პროგრამის ფარგლებში შეიმუშავეს.

[sknews.ge]