თსუ–ს სტუდენტები ახალციხის თვითმმართველობის წარმომადგენლებს შეხვდნენ

მთავარი → საზოგადოება 21.11.2014

„ადგილობრივი თვითმმართველობის განვითარების“ პროექტის ფარგლებში თბილისის სახელმწიფო უნივერსიტეტის სტუდენტები ახალციხის მუნიციპალიტეტისა და ქალაქის მერიის წარმომადგენლებს შეხვდნენ.

თსუ–ს სტუდენტები ახალციხის თვითმმართველობის წარმომადგენლებს შეხვდნენ

ივანე ჯავახიშვილის სახელობის თბილისის სახელმწიფო უნივერსიტეტის სტუდენტებთან შეხვედრა დღეს, 21 ნოემბერს გაიმართა. სტუდენტებს ადგილობრივი თვითმმართველობის წარმომადგენლებთან შეკითხვები ქალაქსა და თემში არსებულ პრობლემებთან დაკავშირებით ჰქონდათ. ისინი დაინტერესდნენ, აქვთ თუ არა ახალგაზრდებს ადგილზე დასაქმების საშუალება.

„შეხვედრა წარიმართა დიალოგის რეჟიმში, სტუდენტებმა დასვეს საკმაოდ აქტუალური შეკითხვები, რომლებზე ამომწურავი პასუხები მივიღეთ ადგილობრივი ხელისუფლების წარმომადგნელებისგან“, – ამბობს რექტორის თანაშემწე გიორგი ბენაშვილი.

შეხვედრა „ადგილობრივი თვითმმართველობის განვითარების“ პროექტის ფარგლებში გაიმართა. აღნიშნული პროექტის მიზანია ადგილობრივი თვითმმართველობის რეფორმის შემდეგ თვითმმართველი ქალაქების მუშაობის შესახებ ინფორმაციის მიღება.

[თამარ თოთაძე, ახალციხე]