გახდი აქტიური!

მთავარი → საზოგადოება » განათლება 29.05.2013

როგორ გავხდეთ აქტიური - ახალციხის ახალგაზრდულ ცენტრში პასიური ახალგაზრდები შეკრიბეს და ეფექტური კომუნიკაციის ტრენინგით მათ გააქტიურებას შეეცადნენ.

ტრენინგი ახალგაზრდულმა ცენტრმა, USAD-ის მიერ დაფინანსებული, ’სამოქალაქო განათლებისა და პედაგოგთა გადამზადების’ პროგრამის ფარგლებში გამართა.

ცენტრში ამბობენ, რომ პროგრამის ფარგლებში ჩატარდა ახალგაზრდული ფორუმი, რომელსაც ახალციხის, ბორჯომის, ასპინძისა და ადიგენის მუნიციპალიტეტის სკოლების სამოქალაქო კლუბების წევრები ესწრებოდნენ. აქვე შეარჩიეს სამუშო თემებიც. ახალციხეს ’არაფორმალური განათლება’ შეხვდა.

’განვიხილეთ არაფორმალური განათლება, მისი დადებითი და უარყოფითი მხარეები. ერთ-ერთი რაც უარყოფითში ეწერა, ეს იყო გავააქტიუროთ პასიურები. ამის საფუძველზე დაიგეგმა ტრენინგი’, - გვითხრა სამოქალაქო განათლების და პედაგოგთა გადამზადების პროგრამის პედაგოგმა ნინო ნადირაძემ.

ტრენინგს პასიური ახალგაზრდები დაესწვრნენ. ისინი, რომლებიც ამ პროგრამაში აქამდე ჩართული არ იყვნენ.

მონაწილეები ამბობენ, რომ ასეთი ტრენინგები მათთვის ძალიან მნიშვნელოვანია.

’ვისწავლეთ რა არის საჭირო ეფექტური კომუნიკაციისთვის, რაც ძალიან გამოგვადგება’, -ამბობს კლდის საჯარო სკოლის სამოქალაქო კლუბის წევრი მანანა კაპანაძე.

[ნუკა სტეფნაძე, ახალციხე]