”ერთად ვებრძოლოთ სიღარიბეს”

”ერთად ვებრძოლოთ სიღარიბეს”, - ღონისძიებები ამ დევიზით ”სამოქალაქო განათლებისა და პედაგოგთა გადამზადების პროგრამის” ფარგლებში დაიგეგმა.

ღონისძიებაში ჩართული იყვნენ ახალციხის, აწყურისა და აწყვიტის საჯარო სკოლების მოსწავლეები. 16:30 საათზე ამ სკოლების სამოქალაქო კლუბის წევრებმა ახალციხის ახალგაზრდული ცენტრიდან ახალციხის ცენტრალურ პარკში მსვლელობა მოაწყვეს და მოსახლეობას საინფორმაციო ბუკლეტები დაურიგეს.

17:00 საათზე აქციის მონაწილეებმა ახალციხის მუნიციპალიტეტის საკრებულოს საკონფერენციო დარბაზში გადაინაცვლეს, სადაც ცენტრის დირექტორმა მოსწავლეების მიერ მოპოვებული მასალების პრეზენტაცია გამართა. აქვე აჩვენეს მოსწავლეების მიერ დამზადებული ფოტო და ვიდეო მასალებიც.

ღონისძიება დაჯილდოვების ცერემონიალით დასრულდა. სამოქალაქო კლუბის წევრებს სამახსოვრო საჩუქრები გადასცეს.

[ნუკა სტეფნაძე, ახალციხე]