ხვალ ახალციხეში ახალგაზრდული ფორუმი გაიმართება

ფორუმი 13:30 საათზე, ახალციხის სახელმწიფო უნივერსიტეტის II კორპუსში გაიმართება.

როგორც ორგნიზატორები აცხადებენ, ფორუმის მიზანია მოსწავლეთა აქტიური მონაწილეობით თემის ადგილობრივი საჭიროებების კვლევა, პრობლემის გადაჭრის გზების ძიება, რეკომენდაციების შემუშავება და თანამშრომლობა გადაწყვეტილების მიმღებ პირებთან.

ფორუმი ორგანიზებულია სამოქალაქო განათლების პროგრამის „მომავლის თაობა“ ფარგლებში, რომელსაც ახორციელებს ამერიკული ორგანიზაცია PH International, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. პროგრამა სამცხე-ჯავახეთის რეგიონში ხორციელდება ახალციხის ახალგაზრდული ცენტრის მიერ.

"ფორუმზე შემუშავებული პროექტების განხორციელებისთვის შეიქმნება საინიციატივო ჯგუფები, მოძიებული იქნება რესურსებიდა მოხდება მათი მობილიზაცია, დაიგეგმება პროექტების განხორციელება დადგენილი საჭიროებების გადასაჭრელად", – აცხადებენ ახალციხის ახალგაზრდულ ცენტრში.

მათივე ინფორმაციით,'სამოქალაქო განათლებისა და პედაგოგთა გადამზადების პროგრამის' მიზანია გააუმჯობესოს სამოქალაქო განათლების სასკოლო პროგრამის ხარისხი და გაააქტიუროს ახალგაზრდების მონაწილეობა დემოკრატიული საზოგადოების მშენებლობის პროცესში.

ფორუმი გაიმართება შემდეგ მისამართზე: ქალაქი ახალციხე, სამცხე–ჯავახეთის სახელმწიფო უნივერსიტეტის II კორპუსი: 208 აუდიტორია. რუსთაველის ქ. №122

[sknews.ge]