რექტორის არჩევნებამდე სამი საათით ადრე, გიორგი მესხმა კანდიდატურა მოიხსნა

საბუნებისმეტყველო მეცნიერებათა ფაკულტეტის დეკანისა და რექტორობის კანდიდატის გიორგი მესხის განცხადება უნივერსიტეტის საარჩევნო კომისიააში, დღეს, 31 იანვარს, 09:50 საათზე შევიდა.

რატომ მიიღო გიორგი მესხმა ეს გადაწყვეტილება, უცნობია.

„მიზეზს ვერ გეტყვით, ამაზე საუბარი დღეს არ შემიძლია“, – გვითხრა მან სატელეფონო საუბარში.

სამცხე–ჯავახეთის უნივერსიტეტში რექტორის არჩევნები დღეს 13:00 საათზე დაიწყება. მასში საბოლოოდ მონაწილეობას სამი კანდიდატი მიიღებს: მაკა ბერიძე, რექტორის მოადგილე სამეცნიერო დარგში; რეზო ზედგინიძე, ხარისხის უზრუნველყოფის სამსახურის უფროსი და ცისკარა ზარანდია, ბიზნესის ადმინისტრირების ფაკულტეტის დეკანი;

შეგახსნებთ, რომ არჩევნებამდე რამდენიმე დღით ადრე კანდიდატურა კიდევ ორმა პროფესორმა, მერაბ ბერიძემ და თინა გელაშვილმა მოიხსნეს.

[თამუნა უჩიძე, ახალციხე]