სამცხე–ჯავახეთის უნივერსიტეტის რექტორობა ექვს პროფესორს სურს

სამცხე–ჯავახეთის უნიერსიტეტის რექტორის არჩევნებში მონაწილეობის მისაღებად კანდიდატების რეგისტრაციის ვადა გუშინ, 26 დეკემბერს ამოიწურა. განაცხადი ექვსმა პროფესორმა შეიტანა:

მერაბ ბერიძე, სამცხე–ჯავახეთის უნივერსიტეტის რექტორის მოვალეობის შემსრულებელი;

მაკა ბერიძე, რექტორის მოადგილე სამეცნიერო დარგში;

რევაზ ზედგინიძე, ხარისხის უზრუნველყოფის სამსახურის უფროსი;

ცისკარა ზარანდია, ბიზნესის ადმინისტრირების ფაკულტეტის დეკანი;

გიორგი მესხი, ინჟინერიის, აგრარულ და საბუნებისმეტყველო მეცნიერებათა ფაკულტეტის დეკანი;

თინა გელაშვილი, საერთაშორისო პროექტების კოორდინატორი;

ექვსივე კანდიდატი უნივერსიტეტში მრავალი წელია მუშაობს. მათი უმრავლესობა ათ წელზე მეტია რაც სასწავლებლის პროფესორია.

უნივერსიტეტში რექტორის არჩევნები 31 იანვარს გაიმართება.

შეგახსენებთ, რომ მიმდინარე წლის 3 ივლისს უნივერსიტეტის მოქმედ რექტორს მერაბ ბერიძეს უფლებამოსილების ვადა ამოეწურა. იმავე დღეს უნივერსიტეტში რექტორის არჩევნები ჩატარდა. მასში მონაწილეობას მერაბ ბერიძე და თინა გელაშვილი იღებდა, თუმცა გამარჯვებული კანდიდატი ვერ გამოვლინდა. ამიტომ არჩევნები განმეორებით დაინიშნა.

[თამუნა უჩიძე, ახალციხე]