რექტორის არჩევნებამდე ორი საათით ადრე კანდიდატურა რეზო ზედგინიძემაც მოიხსნა

ხარისხის უზრუნველყოფის სამსახურის უფროსის რეზო ზედგინიძის განცხადება უნივერსიტეტის საარჩევნო კომისიაში, დღეს, დაახლოებით 11:00 საათზე შევიდა.

რატომ მიიღო რეზო ზედგინიძემ ეს გადაწყვეტილება, უცნობია.

რეზო ზედგინიძე უკვე მეოთხე კანდიდატია, ვინც რექტორის არჩევნებში მონაწილეობდა და კანდიდატურა მოხსნა. ზედგინიძემდე ერთი საათით ადრე, დღესვე, კანდიდატურა მოხსნა საბუნებისმეტყველო მეცნიერებათა ფაკულტეტის დეკანმა, კანდიდატმა გიორგი მესხმა.

"ეს ჩვეულებრივი პროცესია და აქ განსაკუთრებული არაფერია", – ამბობს სასწავლებლის ყოფილი რექტორი, მერაბ ბერიძე, რომელიც ასევე კანდიდატი იყო და მანაც არჩევნებამდე ერთი კვირით ადრე კანდიდატურა მოხსნა.

სამცხე–ჯავახეთის უნივერსიტეტში ახალი რექტორის ვინაობა დაახლოებით ერთ საათში გაირკვევა. არჩევნებში მხოლოდ ორი კანდიდატი დარჩა: მაკა ბერიძე, – რექტორის მოადგილე სამეცნიერო დარგში და ცისკარა ზარანდია, ბიზნესის ადმინისტრირების ფაკულტეტის დეკანი;

[sknews.ge]