ახალგაზრდები და ადგილობრივი თვითმმართველობა

თემაზე ”ადგილობრივ თვითმმართველობაში ახალგაზრდობის თანამონაწილეობისა და ახალგაზრდების მიმართ სახელმწიფო პოლიტიკის აქტუალური საკითხები”, დისკუსია, ახალციხის დემოკრატიული ჩართულობის ცენტრში, ასოციაცია ”დეამ” გამართა. შეხვედრაზე აქცენტი
შშმ პირების, იძულებით გადაადგილებული პირების, გოგონებისა და ეთნიკური უმცირესობების წარმომადგენლების საჭიროებებსა და ხელმისაწვდომობაზე გაკეთდა.

’ეს არის ყველაზე აქტუალური პრობლემა, ამიტომ მნიშვნელოვანია, თუ რამდენად იქნება მზად ჩვენი ახალგაზრდობა აამოქმედოს ადგილობრივი თვითმმართველობა, ისეთი ტემპებით, როგორიც საჭიროა. სხვაგვარად ქვეყნის განვითარებაზე ლაპარაკი ზედმეტია, რადგან დემოკრატიის სკოლა სწორედ ადგილობრივი თვითმმართველობის ორგანოებზე გადის”, - ამბობს ასოციაცია ”დეას” საზოგადოებასთან ურთიერთობის სამსახურის ხელმძღვანელი ნონა ქობალია.

დისკუსიაში მონაწილეობა არასამთავრობო ორგანიზაცია ”დემოკრატ მესხთა კავშირთან” არსებულმა ”ახალგაზრული საკრებულოს” წევრებმა, ”ახალგაზრდული ცენტრისა” და ”ყველა ყველასთვის” წარმომადგენლებმა მიიღეს.

”მსაგავსი შეხვედრები საშუალებას გვაძლევს ერთმანეთის გამოცდილება გავიზიაროთ და არსებული პრბლემების გადაჭრის გზებზე ვიმსჯელოთ. მსჯელობაში იბადება აზრი და შემდეგ აზრის განხორციელებამდე მცირედი ნაბიჯები რჩება. ჩვენი ორგანიზაცია ახალი შექმინილია და გამოცდილი ორგანიზაციების დახმარება და გამოცდილების გაზიარება ნამდვილად სჭირდება”, - განაცხადა არასამთავრობო ორგანიზაციის ”ყველ ყველასათვის” ხელმძღვანელმა შორენა გაბოშვილმა.

შეხვედრა შეზღუდული შესაძლებლობის მქონე ქალთა და შეზღუდული შესაძლებლობის მქონე ბავშვთა და დედათა ასოციაცია ”დეას” კვლევის ფარგლებში ჩატარდა, რომელიც ახალციხეში, არასამთავრობო ორგანიზაცია ”დემოკრატ მესხთა კავშირისა” და ”დემოკრატიული ჩართულობის ცენტრის” ორგანიზებით გაიმართა.

კვლევის მიზანია რეგიონულ და ადგილობრივ თვითმმართველობაში საზოგადოებრივი თანამონაწილეობის საკითხებისადმი საზოგადოების დამოკიდებულებებისა და აღქმების შესწავლა და თანამონაწილეობის უფლების რეალიზაციის მიმართულებით არსებული პრობლემებისა და მათი გადაჭრის გზების საზოგადოებრივი ხედვების იდენტიფიკაცია.

მგავსი შეხვედრები, საქართველოს მასშტაბით, თითქმის ყველა ქალაქში იმართება.

[თინათინ ზაზაძე, ახალციხე]