ბორჯომის საკრებულოში ორი ფრაქცია დარეგისტრირდა

ბორჯომის სამანდატო კომისიაში ოპოზიციის წარმომადგენლების მხირდან ფრაქციის შექმნასთან დაკავშირებით ორი განაცხადი შევიდა.

ფრაქცია „უკეთესი მომავლისათვის“ სამ დეპუტატს აერთიანებს. მათ შორის ორი ბაკურ გელაშვილი და ვახტანგ ქვათაძე „ნაციონალური მოძრაობის“ წევრები არიან, ერთი კი გიორგი გიუაშვილი „ლეიბორისტულ პარტიას“ წარმოადგენს. ფრაქცია გელაშვილი უხელძღვანელებს.

მეორე ფრაქცია სახელწოდებით „ბორჯომის პატრიოტები“ „პატრიოტთა ალიანსის“ 11 დეპუტატით დაკომპლექტდა. მისი თავმჯდომარე ნიკა კიკნაძე იქნება.

შეგახსენებთ, რომ სხდომას მხოლოდ ოპოზიციური პარტიების წარმომადგენლები ატარებენ, რადგან დარბაზი ოცნების 13–ვე წევრმა დატოვა.

დღეს, 20 ნოემბერს ბორჯომში საკრებულოს პირველი სხდომა ხმაურის ფონზე მიმდინარეობს. ოპოზიცია დღის წესრიგში ერთი საკითხის დამატებას, კომისიების თავმდჯომარეების არჩევას ითხოვდა. დეპუტატები ამაზე შეთანხმდნენ, თუმცა ამის შემდეგ დავის მიზეზი სამანდატო კომისიის არჩევის წესი გახდა. რის შედეგადაც "ოცნებამ" სხდომა დატოვა.

სხდომაზე დაძაბული ვითარების გამო საკრებულოს დეპუტატები შეუძლოდ გახდნენ. ამიტომ მერიაში სასწრაფო გამოიძახეს, ერთ–ერთი მათგანი კი საავადმყოფოში გადაიყვანეს.

დაახლოებით, 30 წუთიანი შესვენების შემდეგ საკრებულოს სხდომა კვლავ სრული შემადგენლობით განახლდა, თუმცა სხდომის მიმდინარეობისას "ლეიბორისტული პარტიის" "ქართული ცონების დეპუტატმა სიტყვიერი დაპირისპირების დროს ბოთლი ესროლა. "ოცნებამ" სხდომის დახურვის შესახებ გადაწყვეტილება ამის შემდეგ მიიღო.

ასევე შეგახსენებთ, რომ სამცხე–ჯავახეთში ყველაზე მრავალპარტიული საკრებულო ბორჯომს ჰყავს. საკრებულოში ოთხი ოპოზიციური პარტიის წარმომადგენელი შევიდა. ბორჯომი რეგიონში ის გამონაკლისია, სადაც „ოცნებას“ უმრავლესობა არ აქვს, – საკრებულოში 13 დეპუტატი მმართველი გუნდიდან, 15 კი ოპოზიციიდანაა.

[sknews.ge]