ბორჯომის საკრებულოს დეპუტატებმა შეთანხმებას მიაღწიეს – დღის წესრიგს ცვლიან [Video]

30–წუთიანი შესვენების შემდეგ ბორჯომის მუნიციპალიტეტის საკრებულოს სხდომა ოპოზიციის დეპუტატების მიერ იგივე მოთხოვნით გაგრძელდა. მათ დღის წესრიგში ერთი საკითხის, კომისიების თავმჯდომარეების არჩევის დამატება სურთ.

„აპარატს ვთხოვთ შეადგინოს ახალი დღის წესრიგი“, – დაეთანხმა ოპოზიციონერ დეპუტატებს უხუცესი წევრი ანდრო თედიაშვილი.

აღნიშულ გადაწყვეტილებას დარბაზი ტაშის კვრით შეხვდა.



შეგახსენებთ, რომ დღეს, 20 ნოემბერს ბორჯომში საკრებულოს პირველი სხდომა იმართება. სხდომაზე დღის წესრიგით გათვალისწინებული 8 საკითხი საკრებულოს კომისიების თავმჯდომარეების არჩევას არ ითვალისწინებს. ამას მოჰყვა „ლეიბორისტული პარტიის“ დეპუტატი გიორგი გიუაშვილის პროტესტი. მას მხარი საკრებულოს სხვა ოპოზიციონერმა დეპუტატებმაც დაუჭირეს.

შეგახსენებთ, რომ სამცხე–ჯავახეთში ყველაზე მრავალპარტიული საკრებულო ბორჯომს ჰყავს. საკრებულოში ოთხი ოპოზიციური პარტიის წარმომადგენელი შევიდა. ბორჯომი რეგიონში ის გამონაკლისია, სადაც „ოცნებას“ უმრავლესობა არ აქვს, – საკრებულოში 13 დეპუტატი მმართველი გუნდიდან, 15 კი ოპოზიციიდანაა.

[sknews.ge]