ბორჯომის საკრებულოში პოლიცია გამოიძახეს [Video]

ბორჯომში საკრებულოს სხდომის მიმდინარეობისას „ქართული ოცნების“ დეპუტატი ოთარ არბოლიშვილი "პატრიოტთა ალიანსისის" დეპუტატს ზაზა ჩაჩანიძეს სიტყვიერად დაუპირისპირდა. არბოლიშვილის თქმით, "ზაზა ჩაჩანიძე როდესაც საკრებულოს თავმჯდომარე იყო სოციალურ პაკეტებს თავის თავზე ირგებდა".

"მაშინ სად იყო გიორგი გიუაშვილი, ამას რატომ არ აკრიტიკებდა?!" – იკითხა არბოლიშვილმა და გიუაშვილს წყლის ბოთლი ესროლა.

საკრებულოში გიუაშვილმა პოლიცია გამოიძახა. სხდომაზე შესვენება გამოცხადდა.



მეექვსე საათია ბორჯომის საკრებულოში პირველი სხდომა ხმაურისა და დაპირისპირების ფონზე მიმდინარეობს.

შეგახსენებთ, რომ დღეს, 20 ნოემბერს ბორჯომში საკრებულოს პირველი სხდომა ხმაურის ფონზე მიმდინარეობს. ოპოზიცია დღის წესრიგში ერთი საკითხის დამატებას, კომისიების თავმდჯომარეების არჩევას ითხოვდა. დეპუტატები ამაზე შეთანხმდნენ, თუმცა ამის შემდეგ დავის მიზეზი სამანდატო კომისიის არჩევის წესი გახდა. რის შედეგადაც "ოცნებამ" სხდომა დატოვა.

სხდომაზე დაძაბული ვითარების გამო საკრებულოს დეპუტატები შეუძლოდ გახდნენ. ამიტომ მერიაში სასწრაფო გამოიძახეს, ერთ–ერთი მათგანი კი საავადმყოფოში გადაიყვანეს.

ასევე შეგახსენებთ, რომ სამცხე–ჯავახეთში ყველაზე მრავალპარტიული საკრებულო ბორჯომს ჰყავს. საკრებულოში ოთხი ოპოზიციური პარტიის წარმომადგენელი შევიდა. ბორჯომი რეგიონში ის გამონაკლისია, სადაც „ოცნებას“ უმრავლესობა არ აქვს, – საკრებულოში 13 დეპუტატი მმართველი გუნდიდან, 15 კი ოპოზიციიდანაა.

[sknews.ge]