ახალციხეში ქალებისთვის ბიზნეს ტრენინგი ჩატარდა

”მიეცით ქალებს საშუალება და მოგებული დარჩება ყველა” ამ პროექტის ფარგლებში ახალციხის მუნიციპალიტეტის ორ სოფელში, ურაველსა და წყრუთში აქტიური ქალბატონებისგან დაკომპლექტებული ფოკუს ჯგუფები ჩამოყალიბდა, რომლებსაც ტრენინგები სხვადასხვა თემებზე უტარდებათ.

”აღნიშნული პროექტი გასული წელს დაიწყო. ჩვენი ორგანიზაცია ეკოლოგიისა და გენდერული მიმართულებით მუშაობს, მაგრამ ჩავთვალეთ, რომ ქალბატონებისთვის ბიზნეს ტრენინგების ჩატარება არანაკლებ მნიშვნელოვანი იქნებოდა”, - პროექტის კოორდინტორი ნუგზარ თათეშვილი.

აღნიშნული ტრენინგი ახალციხის დემოკრატიული ჩართულობის ცენტრში გაიმართა. მისი მიზანი ბიზნეს სექტორში ახალციხის მუნიციპალიტეტში მცხოვრები ქალების ჩართვა, აქტიური რეკომენდაციების შემუშავება და გენდერული თანასწორობის პრინციპების გათვალისწინებაა.

”ვიწსავლეთ, თუ როგორ უნდა ვაწარმოოთ დამოუკიდებელად ბიზნესი, რაც მომავალში ჩვენი ცხოვრების გაუმჯობესებაში დაგვეხმარება. ძალიან მომეწონა და კმაყოფილი ვარ”, - ამბობს ფოკუს ჯგუფის წევრი ჟუჟუნა ბერიძე.

ნუგზარ თათეშვილი თქმით ახალციხეში ოჯახებს ძირითადად მამაკაცები არჩენენ. სწორედ ეს გახდა საბაბი იმისა, რომ მუნიციპალიტეტში მსგავსი ტრენინგები ჩატარებულიყო.

’ამით ქალბატონებს საშუალება მიეცემათ, უფრო დამოუკიდებლები გახდნენ და პატარა ბიზნესის წარმოება მაინც შეძლონ”, - ამბობს ნუგზარ თათეშვილი.

პროექტი ”მიეცით ქალებს საშუალება და მოგებული დარჩება ყველა” ევროკავშირისა და ნიდერლანდების საგარეო საქმეთა სამინისტროს მიერაა დაფინანასებული. პროექტი სამწლიანია.

[ნუკა სტეფნაძე, ახალციხე]