ბიზნესით დაინტერესებულ ქალებს ტრენინგი ჩაუტარეს

ტრენინგის თემები იყო: რეგისტრაცია, საგადასახადო პოლიტიკა, ბიზნეს გეგმის არსი და მისი მომზადება.

ტრენინგს ის ქალები დაესწრნენ, ვისაც აქვს მცირე ბიზნესი, ან ახლა აპირებს მცირე ბიზნესის დაწყებას.

ტრენინგი არასამთავრობო ორგანიზაცია "ეკონომიკური პოლიტიკის კვლევის ცენტრმა" (EPRC) ჩაატარა. ტრენინგი ჩატარდა პროექტის "ქალი მეწარმეების შესაძლებლობების ზრდა და ეკონომიკური გაძლიერება" ფარგლებში, რომელიც შვეიცარიის საელჩოს მხარდაჭერით ხორციელდება.

ამ პროექტის ფარგლებში, საინტერესო ბიზნეს-გეგმის ავტორი ათამდე მონაწილისთვის იგეგმება ბიზნეს-საქმიანობის დასაწყებად ან ხელშესაწყობად მცირე თანხების გამოყოფა მათ მიერ მომზადებული ბიზნეს-გეგმების კონკურსის საფუძველზე (500-დან 1000 ლარამდე) და დაფინანსების წყაროების მოძიებაში დახმარების გაწევა.





[sknews.ge]