ტრენინგი ბიზნესით დაინტერესებული ქალებისთვის

ტრენინგს არასამთავრობო ორგანიზაცია "ეკონომიკური პოლიტიკის კვლევის ცენტრი" (EPRC) ჩაატარებს. ტრენინგი ჩატარდება პროექტის "ქალი მეწარმეების შესაძლებლობების ზრდა და ეკონომიკური გაძლიერება" ფარგლებში, რომელიც შვეიცარიის საელჩოს მხარდაჭერით ხორციელდება.

პროექტის ფარგლებში ცენტრის ექსპერტები საქართველოში რეგიონში მეწარმე/ბიზნესით დაწყებით დაინტერესებულ ქალებს უტარებენ ტრენინგებს. ტრენინგების თემებია:

- ბიზნეს გეგმის მომზადება;
- ფინანსური რესურსების მოძიების წყაროები;
- მცირე ბიზნესის მართვა;
- საგადასახადო საკითხები;
- ფინანსური დაგეგმარება და პროგნოზირება.

პროექტის ფარგლებში, საინტერესო ბიზნეს-გეგმის ავტორი ათამდე მონაწილისთვის იგეგმება ბიზნეს-საქმიანობის დასაწყებად ან ხელშესაწყობად მცირე თანხების გამოყოფა მათ მიერ მომზადებული ბიზნეს-გეგმების კონკურსის საფუძველზე (500-დან 1000 ლარამდე) და დაფინანსების წყაროების მოძიებაში დახმარების გაწევა.

ტრენინგებში მონაწილეობის მიღება უფასოა.

[sknews.ge]