ვალეში პირველ სკოლაში სწავლა ახალგარემონტებულ შენობაში დაიწყეს

სკოლა საზეიმო ვითარებაში ახალციხისა და ადიგენის გაერთიანებული ოლქის მაჟორიტარმა დეპუტატმა გიორგი კოპაძემ და ახალციხის მუნიციპალიტეტის გამგებელმა ზაზა მელიქიძემ გახსნეს. მათ მოსწავლეებს, პედაგოგებს და მშობლებს ახალი სასწავლო წლის დაწყება მიულოცეს და წარმატებები უსურვეს. პირველკლასელებს კი საჩუქრად სასკოლო ნივთები გადასცეს.

სკოლაში 300 მოსწავლე სწავლობს, მათ შორის 21 პირველკლასელია.

სასწავლო გარემოს გაუმჯობესების მიზნით, „ათასწლეულის გამოწვევის ფონდმა“ ვალის პირველ სკოლას სრული რეაბილიტაცია ჩაუტარა. ასევე, აღიჭურვა სათანადო სასკოლო ინვენტარით. ფონდის მიერ განხორციელებული სასწავლო გარემოს გაუმჯობესების პროექტი მოიცავს საჯარო სკოლების სასწავლო ბაზის სრულ რეაბილიტაციას, საერთო სარგებლობის ობიექტებისა და კომუნიკაციების რეკონსტრუქციასა და სკოლების საბუნებისმეტყველო ლაბორატორიებით უზრუნველყოფას.

[sknews.ge]