სკოლებში ახალი სასწავლო წელი დაიწყო

ახალი სასწავლო წელი მუნიციპალიტეტისა და ქალაქის მასშტაბით ყველა საჯარო და კერძო სკოლაში დაიწყო. პირველკლასელებს საჩუქრად ნეთბუქები გადაეცათ, ასევე დაურიგდათ სკოლის სახელმძღვანელოებიც.

ქალაქის საჯარო სკოლებში დაახლოებით 293 პირველკლასელია. სასწავლო წლის დაწყება საჯარო სკოლის მოსწავლეებს ახალციხის მერმა გიორგი კოპაძემ პირველ მოადგილესთან ზაზა თამარაშვილთან და ახალციხის რესურსცენტრის ხელმძღვანელთან ხათუნა ხმალაძესთან ერთად მიულოცა.

"მინდა ყველა მშობელს, განსაკუთრებით პირველკლასელების, პედაგოგიურ კოლექტვის მივულოცო სწავლის დაწყება. წინსვლა და წარმატება ვუსურვო", – განაცხადა ქალაქ ახალციხის მერმა გიორგი კოპაძემ.

რაც შეეხება ახალციხის მუნიციპალიტეტის საჯარო სკოლებს, აქ წელს დაახლოებით 192 პირველკლასელია.

ახალი სასწავლო წლის დაწყება მუნიციპალიტეტის მასშტაბით ყველა პირველკლასელს ახალციხის მუნიციპალიტეტის კულტურის სამსახურის წარმომადგენლებმა მიულოცეს და საჩუქრად საკანცელარიო ნივთები გადასცეს. საჩუქრებისთვის ადგილობრივი ბიუჯეტიდან ჯამში 1 564 ლარი გამოიყო.


[თინათინ ზაზაძე, ახალციხე]