ძლიერი ქარის გამო ახალციხეში ორი ადამიანი დაშავდა [Photo]

შემთხვევა დაახლოებით დღის 14:30 წუთზე მოხდა. თვითმხილველები ამბობენ, რომ ძლიერმა ქარმა ხუთსართულიან ბინას სახურავი მთლიანად გადახადა. შემთხვევის ადგილზე მობილიზებული იყვნენ სამაშველო სასმახურის თანამშრომლები და პოლიციელები. დასარალებული მოსახლეობა ადგილობრივი ხელისუფლების წარმომადგენლებმაც მოინახულეს.

ასპინძის ქუჩის 28-ე კორპუსთან გაწმენდითი სამუშაოები ამ დრომდე მიმდინარეობს.

- ”სახურავის ქვეშ დაახლოებით ოთხი მანქანა მოყვა. ზიანი დაითვლება და ეზოს ჩამოყრილი სახურავისგან გავწმენდთ”, - ამბობს სამაშველო სამსახურის უფროსი სპეციალისტი შოთა მელაძე.

შემთხვევის შედეგად ორი მოქალაქე, 35 წლის მამაკაცი და 60 წლის ქალბატონი მსუბუქად დაშავდნენ. თვითმხილველები ამბობენ, რომ დაზარალებული თავისი ფეხით ავიდა სახლში და მოგვიანებით სასწრაფო სამედიცინო სამსახურმა სახლში ააკითხა.

- ”თავი ჰქონდა დაზიანებული მსუბუქად, შევთავაზე რომ სახლამდე მაინც მივაცილებდი, თუმცა არ დამთანხმდა”, - ამბობს იზა კვინიკაძე.

მსუბუქი ტრამვებით დაზარალებულები სასწრაფო სამედიცინო სამსახურმა ”უნიმედი სამცხეს” ახალციხის სამედიცინო დაწესებულებაში გადაიყვანა. დაზარალებულებს შესაბამისი გამოკვლევა ჩაუტარდათ და მკურნალობას ბინაზე განაგრძობენ.

- ”მამაკაცს კოჭის ძვლის მოტეხილობა აღენიშნებოდა, დაედო თაბაშირი და გავწერეთ. რაც შეეხება 60 წლის ქალბატონს, მას თავის ქალის ტრამვა, ტვინის შერყევა აღენიშნებოდა, ჩაუტარდა შესაბამისი გადაუდებელი დახმარება და პაციენტმა საავადმყოფო ხელწერილის საფუძველზე დატოვა”, - განმარტავს ”უნიმედი სამცხეს” ახალციხი სამედიცინო დაწესებულების მიმღებ-ამბულატორიული განყოფილების გამგე ნინო მანველიშვილი.

ხუთსართულიანი კორპუსის ეზოში ჩამოყრილმა სახურავმა იქვე მდგარი ოთხი მსუბუქი ავტომანქანა დააზიანა. ასევე დაზიანდა ელექტროენერგიის ხაზები და ბუნებრივი აირის მილები. რის გამოც ამ დრომდე აღნიშნულ პორპუსს არც გაზი და არც ელექტროენერგია არ მიეწოდება.

- ”ძალიან ძლიერი ხმა გავიგეთ, რომ გადმოვიხედეთ მთელი სახურავი ძირს იყო ჩამოყრილი, არც დენი გვაქვს არც გაზი სრულიად მოვწყდით ყველაფერის”, - გვიყვება ამ კორპუსში მცხოვრები მარინე კაჭკაჭაშვილი.

დაზარალებული მოსახლეობა ამბობს, რომ სახურავი ძველ ფიცრებზე გადაიხურა და ამიტომ ძლიერმა ქარმა ადვილად გადახადა.

- ”მარტო სახურავი შევცალეს და ძველი ფიცრები დატოვეს. ამიტომ გადაიხადა მთლიანად,” - ამბობს ამავე ბინაში მცხოვრები ენრიკო კაპანაძე.

ძლიერი ქარის შედეგად მიყენებულ ზარალს სპეციალური კომისია დაითვლის.

” დროებით ”პალატკებით” გადახურავენ, რადგან წვიმის შემთხვევაში მოსახლოება არ დაზარალდეს. შესაბამისი სამსახურები შეისწავლიან ბრალეულებას, თუ დადგინდა რომ მშენებელი კომოანიის მიერ არის რამე შეცდომა გაპარული, ის ვალდებულია ზიანი აანაზღაუროს და ბინა გადახუროს”, - განმარტავს ახალციხის მუნიციპალიტეტის გამგებელის მოვალეობის შემსულებელი ბესიკ ბლიაძე.

შეგახსენებთ, რომ სტიქიით დაზარალებულთათვის პრეზიდენტის ფონდიდან გამოყოფილი თანხით მრავალბინიანი სახლების გადახურვა გასული წლის შემოდგომით დასრულდა. ასპინძის ქუჩაზე სარეაბილიტაციო სამუშაოებს შპს ”გონიო”ასრულებდა.

სამცხე-ჯავახეთის გუბერნატორის მოადგილე გელა დემეტრაძე განმარტავს , რომ სახურავის დაზიანება შესაძლოა იმით იყოს გამოწვეული, რომ კორპუსი აშენებისთანავე არასწორად გადახურეს.

- ”ჩემი აზრით მშენებლს წუნს ვერ დავუდებთ, იმიტომ, რომ სახურავზე თუნუქის ფურცელი ავარდნილი არცერთ ადგილას არაა. უბრალოდ ამაში დამნაშავე იყო ის მშენებელი, რომელმაც ეს შენობა თავის დროზე გადახურა. ”კომუნისტების”პერიოდი მაქვს მხედველობაში. რამდენედაც ვიცი გამოძიება დაწყებულია და დაადგენს თუ ვისი ბრალეულებაა ამ შემთხვევაში. თუ დადგინდა, რომ ეს შპს”გონიოს” ბრალია, მაშინ მათ მოუწევთ დაზიანებული სახურავის შეკეთება. თუ ეს ფორსმაჟორული იყო და ქარმა გამოიწვია, მაშინ მისი შეკეთება ადგილობრივ თვითმმართველობას მოუწევს”, - ამბობს გელა დემეტრაძე.



[თინათინ ზაზაძე,ახალციხე]