ახალციხეში ძლიერმა ქარმა საცხოვრებელ სახლს სახურავი გადახადა

შაყულაშვილების სახლს ძლიერმა ქარმა სახურავი დაახლოებით ერთი საათის წინ გადახადა.

„ადგილობრივი თვითმმართველობიდან ამ დრომდე არავინ მოსულა“, – ამბობს ლია შაყულაშვილი.

ახალციხის მერიაში, კი აცხადებენ, რომ მერიის ინფრასტრუქტურის სამსახურის წარმომადგენლები ქალაქში არსებულ ყველა ქუჩაზე, ძლიერი ქარისგან მიყენებულ ზიანს ადგილზე ეცნობიან.

„მთელი მერიაა მობილიზებული, თანამშრომლები უბნებზე არიან გასულები და ყველა პრობლემას მოაგვარებენ“, – ამბობს მერიის საზოგადოებასთან ურთიერთობის სამსახურის წარმომადგენელი სოფო მესხი.





[ვარლამ წიკლაური, ახალციხე]