სოფელ ჩუნჩხაში ქარმა სახურავი სახლებსაც გადახადა [Photo/Video]

„ჯერ კიდევ მირეკავენ და მეუბნებიან რომ სახურავები სხვებსაც დაუზიანდათ. ამიტომ ზუსტი ოდენობა დაზიანებული სახურავების შესახებ ჯერ არ მაქვს“, – ამბობს სოფელ ჩუნჩხის დეპუტატი ზაურ პაქსაძე.

რაც შეეხება რიტუალების გადახდილ სახურავს, ის ერთდროულად ორი ადგილობრივისა და სოფლის სკოლის ეზოში დავარდა, რის გამოც სკოლის ღობე ნაწილობრივ დაზიანდა.



"ძლიერი ქარი რომ ამოვარდა, რიტუალების სახლის შენობაში ბავშვები იყვნენ, ცეკვის გაკვეთილი ჰქონდათ და სულ რამდენიმე წუთით გამოასწრეს. არაცერთი არ დაშავებულა", – ამბობს სოფელ ჩუნჩხაში მცხოვრები მარეხი სუდაძე.

სოფელში ამ დრომდე ძლიერი ქარია, ადგილზე მობილიზებულია სახანძრო–სამაშველო სამსახური, პოლიცია და სასწრაფო.

სოფელ ჩუნჩხაში იმყოფება "სამხრეთის კარიბჭეს" გადამღები ჯგუფი, მოვლენების განვითარების შესახებ, ინფორმაციას ეტაპობრივად მოგაწვდით.

















[თინათინ ზაზაძე, ოთარ აწყურელი, ახალქალაქი]