ირანულმა ვერტმფრენებმა აბასთუმანი დატოვეს

საგანგებო სიტუაციების მართვის სააგენტოს ინფორმაციით, აბასთუმანში ხანძარი სრულად ლიკვიდირებულია, ამ ეტაპზე კი ტერიტორიას ცოცხალი ძალა ამუშავებს. რაც შეეხება ირანულ ვერტმფრენებს, რომლებიც საქართველოში 1–ელ სექტებერს ხანძრის სალიკვიდაციო სამუშაოებისათვის ჩამოიყვანეს, მათ დღეს, 2 სექტებმერს, დაახლოებით 14:30 საათზე აბასთუმნის ტერიტორია დატოვეს და კახეთის რეგიონში გადაინაცვლეს, სადაც ასევე ხანძარია.

სააგენტოს ცნობით, ამ დროისათვის აბასთუმანში მონიტორინგისათვის რჩება მეხანძრე–მაშველების ნაწილი.

შეგახსენებთ, რომ ბორჯომ–ხარაგაულის ეროვნული პარკის აბასთუმნის უბანში ხანძარი 29 აგვისტოს გაჩნდა. ადგილობრივებმა ცეცხლი დაახლოებით 13:00 საათზე შენიშნეს. ხანძარს სამი დღის განმავლობაში ცოცხალი ძალა, სახანძრო ავიაცია და სპეცტექნიკა აქრობდა.

[თაკო ფეიქრიშვილი, ადიგენი]