აბასთუმანში ნახანძრალი ადგილის დამუშავება მიმდინარეობს

აბასთუმანში, ნახანძრალ ადგილზე, სალიკვიდაციო სამუშაოები ცოცხალი ძალისა და სახანძრო სამაშველო ტექნიკის მეშვეობით, მთელი ღამის განმავლობაში მიმდინარეობდა.

როგორც შსს–ს საგანგებო სიტუაციების მართვის სამსახურში განმარტავენ, ღამე ცეცხლის კერები არ გაღვივებულა, შესაბამისად, სამუშაოები მშვიდ ვითარებაში წარიმართა.
უწყებაში განმარტავენ, რომ ხანძრის წარმოქმნის საშიშროება აღარ არსებობს, თუმცა ავიაცია ამ დრომდე ადგილზე რჩება.

შეგახსენებთ, რომ ბორჯომ–ხარაგაულის ეროვნული პარკის აბასთუმნის უბანში, ცეცხლი 29 აგვისტოს, დაახლოებით 13:00 საათზე ადგილობრივებმა შენიშნეს. ხანძარს ცოცხალი ძალა, სახანძრო ტექნიკა და ავიაცია სამი დღის განმავლობაში ებრძოდა.

[sknews.ge]