ხანძარი აბასთუმანშიც მიუდგომელ ადგილზეა – აბასთუმანში წავიდა შს მინისტრიც

აბასთუმანი. ბორჯომ–ხარაგაულის ეროვნული პარკის შესასვლელი. ფოტო: ლუბა გიორგაძე/სამხრეთის კარიბჭე

"სამხრეთის კარიბჭეს" ჟურნალისტის ცნობით, შემთხვევის ადგილისკენ აბასთუმნიდან ადგილობრივებიც მიემართებიან.

მისივე ინფორმაციით, ხანძრის გამო ძლიერი დაკვამლიანებაა დაბა აბასთუმანში, მეტიც, დალვამლიანება სოფლ ვარხანსა და სოფელ აბასთუმანშიც იგრძნობა.


დაბა აბასთუმანი. ფოტო: ლუბა გიორგაძე/სამხრეთის კარიბჭე

'სამხრეთის კარიბჭეს' მეორე გადამღები ჯგუფის ინფორმაციით, რომლებიც ამ დრომდე სოფელ სვირში რჩებიან, იქ სადაც ხანძრის მეორე კერაა, შინაგან საქმეთა მინისტრი გიორგი მღებრიშვილი სვირიდან აბასთუმანში გაემგზავრა.


აბასთუმანი, მოხალისეები. ფოტო: ლუბა გიორგაძე/სამხრეთის კარიბჭე

შეგახსენებთ, დღეს, 29 აგვისტოს, ხანძარი გაჩნდა აბასთუმანშიც. ადგილზე ცოცხალი ძალა, სახანძრო ტექნიკა და მეტყევეები მუშაობენ. სვირიდან აბასთუმანში გადაინაცვლა ვერტმფრენმაც.

[sknews.ge]