შსს: წაღვერის ტყეში ხანძარი ლიკვიდირებულია

შინაგან საქმეთა სამინისტროს ინფორმაციით, ამ დროისათვის ადგილზე აღარ რჩება ტექნიკა.

შეგახსენებთ, რომ წაღვერში, არჯევანის ტყეში, ხანძარი 26 ივლისს, დილით გაჩნდა.

შსს-ს საგანგებო სიტუაციების მართვის სააგენტოს 130-მდე მეხანძრე მაშველი, ხანძრის სალიკვიდაციო სამუშაოებს, 33 საათის განმავლობაში, უწყვეტ რეჟიმში აწარმოებდა. ხანძრის ქრობის პროცესში აქტიურად იყო ჩართული სასაზღვრო პოლიციის ვერტმფრენი.

ამ დროისათვის, არჯევანიძის ტყეში ხანძრის კერები სრულად ჩამქრალია.

შსს–ს ინფორმაციით, მომხდარზე მიმდინარეობს გამოძიება სისხლის სამართლის კოდექსის 187–ე მუხლით, რაც ნივთის დაზიანებას ან განადგურებას გულისხმობს.

[sknews.ge]