საბარგო სადგურზე საკანალიზაციო ქსელის მშენებლობა 6 სექტემბრიდან დაიწყება

ახალციხეში საბარო სადგურზე მცხოვრებლები შიშობენ, რომ დასახლებაში დაპირებული საკანალიზაციო ქსელის მშენებლობა მიმდინარე წელსაც გადაიდება.

„გზა რომ გადავკეტეთ მაშინ გვითხრეს აგვისტოში დაიწყება მშენებლობაო, ჯერ არავინ არაფერს აშენებს, ალბათ ისევ მოგვატყუეს“, – აცხადებს ადგილობრივი ფიქრია ორმოცაძე.

ტენდერში გამარჯვებულ კომპანიას შპს „ვი–აი–პსა“ და საქართველოს გაერთიანებული წყალმომარაგების კომპნიას შორის ხელშეკრულება აგვისტოს ბოლომდე უნდა გაფორმებულიყო თუმცა, ამ დრომდე არ გაფრომებულა. როგორც მშენებელ კომპანიაში გვიხსნიან, ხელშკერულება 6 სექტემბრამდე გაფორმდება.

„6–მდე დოკუმენტს ხელი მოეწერება და სამშენებლო სამუშაოებიც მალევე დაიწყება“, – აცხადებენ შპს „ვი–აი–პიში“.

შეგახსენებთ, რომ საბარგო სადგურზე საკანალიზაციო ქსელის მშენებლობისთვის ტენდერი შპს „ვი–აი–პიმ“ მოიგო. საქართველოს გაერთიანებული წყალმომარაგების კომპანია დასახლებაში ქსელის მოსაწყობად ტენდერს 1 076 573 ლარზე აცხადებდა. „ვი–აი–პიმ“ კი 826 403 ლარით გაიმარჯვა.

[sknews.ge]