76 განაცხადი და დაკმაყოფილებული 17 – მიწის აღიარების კომისიის ანგარიში

ახალციხის მუნიციპალიტეტის გამგეობაში მიმდინარე წლის თებერვლიდან ივლისის ჩათვლით მიწის ნაკვეთის საკუთრების უფლების აღიარების კომისიაში 67 განაცხადი შევიდა. აქედან 17 განაცხადზე მოთხოვნა დაკმაყოფილდა და მიწაზე საკუთრების მოწმობა გაიცა.

„36 განცხადებაზე მიღებულია უარყოფითი გადაწყვეტილება. 9 განცხადებაზე დამატებითი დოკუმენტების წარმოდგენაა საჭირო, ოთხი ჯერ ისევ განხილვის პროცესშია, ერთზე კი შეწყვეტილია განხილვა ისევ მოქალაქის მომართვის საფუძველზე“, – ამბობს ახალციხის მუნიციპალიტეტის გამგებლის მოადგილე და კომისიის თავმჯდომარე ალექსი ზედგინიძე.

მისი თქმით, ტერიტორიები, რომლების აღიარებასაც ითხოვენ მოქალაქეები აღნიშნული კომისიის საშუალებით, წლების განმავლობაში მათ სარგებლობაშია, თუმცა არა საკუთრებაში: „ასეთ ტერიტორიებს თავისუფალ მიწებს ეძახიან. შესაძლოა მათ ვისაც უარი ეთქვათ აღიარებაზე, გარკვეული პერიოდის შემდეგ შეძლონ ისეთი დოკუმენტების წარმოდგენა, რომელიც მოგვცემს საშუალებას, რომ მიწა ვუღიაროთ“.

ალექსი ზედგინიძემ ახალციხის მუნიციპალიტეტის საკრებულოს ექვსთვიანი ანგარიში დღეს, 21 აგვისტოს რიგით მე–10 სხდომაზე წარუდგინა.

[თამუნა უჩიძე, ახალციხე]