იმიტირებული გამოძიება სკოლის მოსწავლეების მონაწილეობით

ღონისძიება საქართველოს პროკურატურის პროექტის „საზოგადოებრივი პროკურატურის“ ფარგლებში ჩატარდა. გამოძიებაში ახალციხის საჯარო სკოლების მე–9 მე–10 და მე–11 კლასის მოსწავლეები მონაწილეობდნენ. როგორც რაიონული პროკურორი დავით ჯინჭველაძე ამბობს, მოსწავლეებს წინასწარ დაურიგდათ კაზუსები. მოქმედება ოთხ ადგილას ხდებოდა.

"რაბათის მიმდებარე ტერიტორიაზე გაქურდეს ოქროულობის მაღაზია , საიდანაც მოიპარეს ოქროს ნივთები. ვათვალიერებთ ადგილებს, ვადგენთ ვინ ჩაიდინა ეს დანაშაული, მივდივარ პიროვნებასთან სახლში ვუტარებთ ჩხრეკას, შემდეგ მისგან ვიღებთ მოპარულ ნივთებს და საბოლოო ჯამში დაზარალებულს უნაზღაურდება ზიანი“,– ამბობს დავით ჯინჭველაძე.

თორმეტმა მოსწავლემ ყველა სცენა დაწვრილებით ითამაშა.

„ერთი კვირა ვემზადებოდით. რამდენჯერმე შევხვდით პროკურატურის წარმომადგენლებს და დავგეგმეთ ღონისძიება. მე ვასრულებდი ლომბარდის მეპატრონის როლს, დამნაშავემ მოიპარა ოქრო, რამდენიმე სახლში დაიტოვა და დანარჩენი ჩააბარა ლომბარდში“, – გვითხრა მოსწავლე ნინო სუდაძემ.

მოსწავლეებს იმიტირებული გამოძიების დადგმაში პროკურატურის წარმომადგენლები ეხმარებოდნენ.

ამღონისძიებით, ამ სასწავლო წელს, პროკურატურამ მოსწავლეებთან მუშაობა დაასრულა.

"ესაა შემაჯამებელი ღონისძიება. ამ ეტაპზე დავამთავრეთ პროექტის ფარგლებში შეხვედრები, რადგან სკოლებშიც დასვენება იქყება. ახალი სასწავლო წლიდან აუცილებლად გავაგრძელებთ შეხვედრებს ახალი შემართებითა და იდეებით“,– ამბობს დავით ჯინჭველაძე.







[მარიამ ბარძიმაძე, ახალციხე]