ასპინძაში არასრულწლოვანთა დანაშაულის პრევენციაზე იმსჯელეს

დაბა ასპინძის საჯარო სკოლის მეცხრე და მეათე კლასის მოსწავლეებთან შეხვედრა პროექტ "საზოგადოებრივი პროკურატურის" ფარგლებში გაიმართა. შეხვედრაზე ახალციხის რაიონული პროკურატურის წარმომადგენლებმა არასრულწლოვანთა დანაშაულის პრევენციაზე ისაუბრეს.

"ლექციის შემდეგ გაიმართა დისკუსია, ვუპასუხეთ იმ კითხვებს, რომლებიც ბავშვებს აინტერესებდათ, როგორც ამ თემის ირგვლივ, ასევე სხვა საკითხებზეც", – ამბობს ახალციხის რაიონული პროკურორის მოადგილე დავით ჯინჭველაძე.

მისივე თქმით, ამ შეხვედრის მიზანია სკოლის მოსწავლეების ინფორმირება აღნიშნულ საკითხთან დაკავშირებით, რათა თავიდან იქნეს აცილებული არასრულწლოვანთა დანაშაული.

"საზოგადოებრივი პროკურატურის" ფარგლებში მსგავსი შეხვედრები უახლოეს მომავალში ადიგენისა და აბასთუმნის საჯარო სკოლებშიც იგეგმება.

[თამარ თოთაძე, ახალციხე]