ახალციხის რაიონული პროკურატურა ქალაქის სკოლებში კვიპაროსებს რგავს

გამწვანების აქციაში მოსწავლეებიც ჩაერთვნენ. კვიპაროსის ნერგები სკოლებს საჩუქრად საქართველოს მთავარმა პროკურატურამ გადასცა. რაიონული პროკურატურის თანამშრომლები ირწმუნებიან, რომ მსგავსი აქცია ერთჯერადი არ არის და მომავალშიც იგეგმება.

”ვიდრე სასწავლო წელი დამთავრდება ჩვენ არაერთ ღონისძიებას ჩავატარებთ ანალოგიური ხასიათის”, - განმარტავს რაიონული პროკურორის მოადგილე დავით ჯინჭველაძე

გამწვანების აქცია საქართველოს მთავრი პროკურატურის პროექტის ”საზოგადოებრივი პროკურატურა” ფარგლებში გაიმართა. ქალაქის ყველა საჯარო სკოლის ეზოში 10-10 კვიპაროსის ნერგი დაირგო.

საქართველოს მთავარი პროკუტრატურის პროექტი ”საზოგადოებრივი პროკურატურა” 2006 წლიდან ხორციელდება. პროექტის სამიზნე ჯგუფში მე-11 და მე-12 კლასის მოსწავლეები არიან.

[თინათინ ზაზაძე, ახალციხე]