ახალციხეში არასრულწლოვანთა დანაშაულის პრევენციაზე იმსჯელეს

შეხვედრა, რომელსაც უფროსკლასელები ესწრებოდნენ, პროექტის „საზოგადოებრივი პროკურატურის“ ფარგლებში შედგა.

„სასწავლო წლის დაწყებასთან ერთად, ჩვენი პროექტი გრძელდება, შევხვდით მოსწავლეებს, რომლებსაც ვესაუბრეთ ძალიან მნიშვნელოვან თემებზე. პროექტის მიზანია დანაშაულის პრევენცია. მოსწავლეებთან შეხვედრებს წლის ბოლომდე კიდევ რამდენჯერმე ვგეგმავთ“, – განმარტავს ახალციხის რაიონული პროკურორის მოადგილე დავით ჯინჭველაძე.

მისივე თქმით, მსგავსი შეხვედრები ადიგენის, ბორჯომისა და ასპინძის საჯარო სკოლებშიც ჩატარდება.

„გვესაუბრნენ ნარკომანიაზე. ძალიან მნიშვნელოვანი თემაა ახალგაზრდებისთვის. მათ კარგად უნდა გააცნობიერონ რას ნიშნავს ნარკომანია და რამდენად დიდი ზიანის მომტანია“, – გვითხრა პირველი საჯარო სკოლის მოსწავლემ ნათია ლომიძემ.

[თინათინ ზაზაძე, ახალციხე]