პროკურატურის შეხვედრა პირველი სკოლის უფროსკლასელებთან

დღეს, 27 ოქტომბერს ახალციხის რაიონული პროკურატურის პროკურორი გიორგი აღლემაშვილი, პირველი საჯარო სკოლის მეათე კლასის მოსწავლეებს ოჯახური ძალადობის, ნარკოტიკული დანაშაულისა და არასრულწლოვანთა დანაშაულების შესახებ ესაუბრა.

გიორგი აღლემაშვილმა ერთ საათიანი შეხვედრისას სკოლის მოსწავლეების კითხვებსაც უპასუხა.

„საკმაოდ დატვირთული შეხვედრა იყო, ახალგაზრდებისგან ბევრი კითხვები მოდიოდა, რაც მისასალმებელია“, - განაცხადა შეხვედრის დასასრულს ახალციხის რაიონული პროკურატურის პროკურორმა გიორგი აღლემაშვილმა.

სკოლის მოსწავლეებს, პროკუროისგან ძირითადად, სხვადსხვა დანაშაულებზე სასჯელის ზომის განსაზღვრა, ასევე ნარკოტიკული და ოჯახური ძალადობის შესახებ, ძალოვანი უწყების რეაგირების მეთოდები აინტერსებდათ.

„საინტერესო შეხვედრა იყო, გავიგე რა სახის დანაშაული რა ზომებით ისჯება. კარგი იქნება თუ პროკურატურა ხშირად მოაწყობს მსგავს შეხვედრებს“, - გვითხრა პირველი საჯარო სკოლის მოსწავლემ სანდრო ოქრომელიძემ.

პროექტი „საზოგადოებრივი პროკურატურა“ საქართველოს პროკურატურის ინიციატივით, საქართველოს სხვასხვა რეგიონებში ხორციელდება.

[ლუბა გიორგაძე, ახალციხე]