თამარაშვილისა და ასპინძის ქუჩებს სასმელი წყალი შეფერხებით მიეწოდება

მოსახლეობის ნაწილს სასმელი წყლის მიწოდება გუშინ საღამოს შეუწყდა. "საქართველოს გაერთიანებული წყალმომარაგების სამცხე-ჯავახეთის ფილიალში" განმარტავენ, რომ მოსახლეობის ნაწილს სასმელი წყალი ახალი ბაზრის მიმდებარე ტერიტორიაზე დაზიანებული მილის გამო არ მიეწოდება. როგორც ახალციხის სერვისცენტრის მენეჯერი გიორგი დალალიშვილი ამბობს, ამ ტერიტორიაზე სარეაბილიტაციო სამუშაოები უკვე დასრულებულია და წყალმომარაგება დღეიდან აღდგება.

„გზაზე წყლის ძველი მილი იყო დაზიანებული და კედელში ჟონავდა, ამიტომ სულ გავაუქმეთ და ძველი სისტემა ახალ სიტემაზე შევაერთეთ. მილების შედუღება დასრულებულია და მოსახლეობა სასმელ წყალს საღამოს, ჩვეულებრივად გრაფიკით მიიღებს“, - ამბობს გიორგი დალალიშვილი.

[თინათინ ზაზაძე, ახალციხე]