ნინოწმინდაში, საცხოვრებელ სახლში აფეთქების შედაგად, სამი ადამიანი დაშავდა

სახლი, სადაც აფეთქება მოხდა. ფოტო: რადიო "ნორი"

სასწრაფო სამედიცინო დახმარების სამსახურში შეტყობინება 09:27 საათზე შევიდა.

"სამი ოჯახის წევრი დაშავდა 4 წლის ბავშვი, 28 წლის ქალი და ოჯახის ხანდაზმული წევრი. საშუალო სიმძიმის დამწვრობით ნინოწმინდის რაიონულ საავადმყოფოში გადავიყვანეთ", – განაცხადეს სასწრაფო სამედიცინო დახმარების სამსახურში.

ნინოწმინდის რაიონულ საავადმყოფოდან დაშავებულები, ამ დროისთვის თბილისში დამწვრობის ცენტრში გადაყავთ.

"სამივე მათგანის მდგომარეობა სტაბიულურია, მათ სიცოცხლეს საფრთხე არ ემუქრება", – ამბობს კორპორაცია "ევექსის" რეგიონული კოორდინატორი ელდარ ალიევი.

შსს–ში განმარტავენ, რომ მომხდარზე ძიება სსკ-ის 240–ე მუხლით მიმდინარეობს, რაც გულისხმობს ელექტრო ან თბოენერგიის, გაზის, ნავთობის ან ნავთობპროდუქტების ობიექტის განლაგების, დაპროექტების, მშენებლობის ან ექსპლუატაციის დროს უსაფრთხოების წესების დარღვევას, რასაც მოჰყვა ჯანმრთელობის ნაკლებად მძიმე ან მძიმე დაზიანება ან რამაც მნიშვნელოვანი ზიანი გამოიწვია. ისჯება ჯარიმით ან თავისუფლების შეზღუდვით ვადით სამ წლამდე, ანდა თავისუფლების აღკვეთით ვადით ორ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.

[თინათინ ზაზაძე, ნინოწინდა]