ავარია ბორჯომში – დაშავდა სამი ადამიანი

დაშავებულებს ბორჯომის საავადმყოფოში გამოკვლევები უტარდებათ. კლინიკის დირექტორის ირაკლი დიასამიძის თქმით, დაშავებულების მდგომარეობა საშუალო სიმძიმისაა.

„ახლა უტარდებათ გამოკვლევები, ერთი დაშავებული არასრულწლოვანია“, – გვითხრა დიასამიძემ.

შსს–მ ძიება სისხლის სამართლის კოდექსის 276 მუხლის მეორე ნაწილით დაიწყო, რაც გულისხმობს ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია.

ისჯება ჯარიმით ან შინაპატიმრობით ვადით ექვსი თვიდან ორ წლამდე, ანდა თავისუფლების აღკვეთით ვადით სამ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.

[მარიამ ბარძიმაძე, ბორჯომი]