ახალციხეში ავარიისას 10 წლამდე ბავშვი დაშავდა

ავარია გუშინ, 27 აპრილს მინაძის ცენტრში, დაახლოებით 16:00 საათზე მოხდა.

როგორც შემთხვევის ადგილთან მდებარე მაღაზიის მეპატრონე ამბობს, მანქანა ახალციხის მიმართულებით მოძრაობდა, როდესაც მოზარდი შეეჯახა.

„ახალქალაქის მხრიდან მოდიოდა მანქანა, ბავშვი ველოსიპედით დაეშვა, ვეღარ გაჩერდა და მანქანას დაეჯახა“,- ამბობს ადგილობრივი.

დაშავებული თავიდან ახალციხის რეფერალურ ჰოსპიტალში, ბარძაყის მოტეხილობით შეიყვანეს, შემდეგ კი თბილისში, იაშვილის სახელობის ბავშვთა ცენტრალურ საავადმყოფოში, კატასტროფის მანქანით გადაიყვანეს.

კლინიკაში განაცხადეს, რომ დაშავებულ მოზარდს ოპერაცია გაუკეთეს და იგი თავს კარგად გრძნობს.

შინაგან საქმეთა სამინისტრომ გამოძიება სსკ-ს 276 მუხლის მეორე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია, – ისჯება ჯარიმით ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.

[მარიამ ბარძიმაძე, ახალციხე]