ავარია ახალციხეში – დაიმტვრა სამი მანქანა და დაშავდა ერთი მგზავრი [Photo]

ავტოსაგზაო შეთმთხვევა დაახლოებით ნახევარი საათის წინ, 19:30 საათზე მოხდა. ერთმანეთს ჯერ საპირისპირო მიმართულებით მოძრავი „მერსედესისა“ და „ნივის“ მარკის ავტომობილები შეეჯახნენ, შემდეგ კი „ნივა“ მიკროავტობუსს დაეჯახა.

შემთხვევის შედეგად „ნივაში“ მჯდომი ერთ–ერთი მოქალაქე დაშავდა, მას სავარაუდოდ ფეხი აქვს მოტეხილი. დაშავებული სასწრაფო დახმარების სამსახურმა სამედიცინო დაწესებულებაში გადაიყვანა.

როგორც ცნობილია, "ნივაში" ერთი ადამიანი იჯდა, "მერსედესში" კი ორი. დაშავებული მხოლოდ "ნივის" მძღოლია.

საქართველოს შინაგან საქმეთა სამინისტროს ინფორმაციით, მომხდარზე ძიება 276-ე მუხლის პირველი ნაწილითაა დაწყებული, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, იმის მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის ნაკლებად მძიმე დაზიანება. ისჯება ჯარიმით ან თავისუფლების შეზღუდვით ვადით სამ წლამდე ანდა თავისუფლების აღკვეთით იმავე ვადით, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.

ამ დროისთვის, რუსთაველის ქუჩაზე, "ავერსის" აფთიაქთან, სადაც ავარია მოხდა, მოძრაობა შეზღუდულია. ადგილზე მობილიზებულია საპატრულო სამსახური.

„სამხრეთის კარიბჭე“ დეტალებს არკვევს, თვალი ადევნეთ ვებს.





[sknews.ge]