ადიგენში ავტოსაგზაო შემთხვევის შედეგად ორი ახალგაზრდა დაშავდა

როგორც თვითმხილველები ჰყვებიან მსუბუქი ავტომანქანის მძღოლმა საჭე ვერ დაიმორჩილა, გზის სავალი ნაწილიდან გადავიდა და ამოტრიალდა.

დაშავებულები ახალციხის რეფერალურ ჰოსპიტალში გადაიყვანეს.

„მათი მდგომარეობა სტაბილურია, ამ ეტაპზე გამოკვლევები უტარდებათ“, – აცხადებენ კლინიკაში.

შსს–მ მომხდარზე გამოძიება სსკ-ის 276-ე მუხლის მეორე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის მძიმე დაზიანება გამოიწვია. ისჯება ჯარიმით ანდა თავისუფლების აღკვეთით, ვადით სამიდან ხუთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

[sknews.ge]