სოფელ აწყურთან სამგზავრო 'მარშუტკა' და ტრაილერი შეეჯახნენ [Photo/Video]

ავტოავარია დღეს, 2 დეკემბერს, დაახლოებით 13:00 საათზე მოხდა. სოფელ აწყურის შესასვლელთან ერთმანეთს სატვირთო ავტომობილი, „ტრაილერი“ და ხაშური–ახალციხის სამგზავრო ‘მარშუტკა’ შეეჯახნენ. შსს–ს ინფორმაციით, დაზიანდა მხოლოდ ოთხი მგაზვრი, შემთხვევას მსხვერპლი არ მოჰყოლია.

სამგზავრო ‘მარშუტკა’ ხაშურიდან 12:00 საათზე გავიდა და მას მგზავრები ახალციხეში გადაჰყავდა.

ადგილზე საპატრულო პოლიციისა და სასწრაფო–სამედიცინო დახმარების სამსახურის სამი ეკიპაჟი მუშაობს. შემთხვევს გამო, აწყურთან საავტომობილო გზაზე ამ დრომდე გადაადგილება შეზღუდულია. საავტომობილო გზაზე საცობია.

შემთხვევის მიზეზად, სავარაუდოდ, უამინდობა სახელდება.

შემთხვევაზე გამოძიება სსკ–ის 276 მუხლის პირველი ნაწილით მიმდინარეობს. რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.

ფოტო და ვიდეო მასალა, რომელიც აწყურიდან საცობში მოხვედრილმა მოქალაქემ გამოგვიგზავნა

[თაკო ფეიქრიშვილი, ახალციხე]