ავარია ვარძიის გზაზე – დაშავებულია ისრაელის 13 წლის მოქალაქე

სოფელ იდუმალასთან ავტოსაგზაო შემთხვევა დღეს,24 ივნისს, შუადღეს მოხდა. ახალციხის სასწრაფო სამედიცინო დახმარების ბრიგადა შემთხვევის ადგილზე 16:40 საათზე მივიდა. სასწრაფო სამწედიცინო დახმარების რეგიონის მენეჯერის თამაზ კაჭკაჭაშვილის განმარტებით, ადგილზე მისულ ბრიგადას ორი დაშავებული დახვდა. ორივე მათგანი სამედიცინო დაწესებულება „უნიმედი სამცხეში“ გადაიყვანეს. ორი დაშავებულიდან, ერთი, 37 წლის მამაკაცი საქართველოს მოქალაქეა, 13 წლის მოზარდი კი ისრაელის.

„13 წლის მოზარდს აღენიშნებოდა ზედა კიდურების მრავლობითი დაზიანებები, ნაფლეთი ჭრილობით, სავარაუდოდ იყო მოტეხილობაც. მოზარდი სამედიცინო დაწესებულებაში კრიტიკული მდგომარეობით და ტრამვული შოკით გადაიყვანეს. ამ დროისთვის მას „უნიმედი სამცხეს“ სამედიცინო კლინიკაში ოპერაცია უკეთდება, სავარაუდოდ დაშავებულს კატასტროფის ბრიგადით თბილისში გადაიყვანენ“, – ამბობს სასწრაფო- სამედიცინო დახმარების რეგიონული სამსახურის მენეჯერი თამაზ კაჭკაჭიშვილი.

საქართველოს შინაგან საქმეთა სამინისტროში განმარტავენ, რომ მომხდარზე გამოძიება ტრანსპორტის მოძრაობის უსაფრთხოების ან ექსპლუატაციის დარღვევის ფაქტზე, სსკ-ის 276 მუხლის პირველი ნაწილით მიმდინარეობს.

[თინათინ ზაზაძე, ასპინძა]